|
სივრცითი მოწყობის სქემის გეგმარებითი დავალების შემუშავებაზე მუშაობა გრძელდება |
|
|
|
Wednesday, 30 December 2009 |
აჭარის ავტონომიური რესპუბლიკის სივრცითი მოწყობის სქემის გეგმარებითი დავალების შემუშავებაზე მუშაობა გრძელდება. აჭარის ავტონომიური რესპუბლიკის ფინანსთა და ეკონომიკის სამინისტროს ორგანიზებითა და ჰოლანდიელ ექსპერტთა მხარდაჭერით 2009 წლის 21-23 დეკემბერს, სამინისტროში მოეწყო ე.წ. `Sketch Match~ (ინტერაქტიული დაგეგმარების მეთოდი) ფორმატის შეხვედრები, რომლშიც, უცხოელ ექსპერტებთან ერთად მონაწილეობა მიიღეს აჭარის ავტონომიური რესპუბლიკის მთავრობის აპარატის, ფინანსთა და ეკონომიკის სამინისტროს, სოფლის მეურნეობის სამინისტროს, ტურიზმისა და კურორტების დეპარტამენტის, საავტომობილო გზებისა და სამელიორაციო სისტემების მართვის დეპარტამენტის, გარემოს დაცვისა და ბუნებრივი რესურსების სამმართველოს, არასამთავრობო სექტორის წარმომადგენლებმა და სამოქალაქო/სამრეწველო მშენებლობის სპეციალობის რამდენიმე სტუდენტმა.
შეხვედრები მიმდინარეობდა სამუშაო რეჟიმში, კერძოთ, მონაწილეთაგან დაკომპლექტდა 4 ჯგუფი, თითოეულ ჯგუფი შედგებოდა 6-6 წევრისაგან. თითოეულ ჯგუფს ევალებოდა ცალკეული სფეროს (ტურიზმი, მრეწველობა, ენერგეტიკა, სოფლის მეურნეობა, გარემოს დაცვა და ა.შ.) მიხედვით ავტონომიური რესპუბლიკის რუკებზე როგორც არსებული ობიექტების, ისე სამომავლოდ დაგეგმილი პროექტების დატანა. პარალელურად მიმდინარეობდა მსჯელობა და გეგმარების პროცესში გამოვლენილი პრობლემებისა თუ სირთულეების ანალიზი, დისკუსია, აზრთა გაცვლა-გამოცვლა. შეხვედრებზე გამოიკვეთა არაერთი პრიორიტეტული მიმართულება, რომელიც მნიშვნელოვნად შეუწყობს ხელს დაგეგმარების წარმართვას ევროპული გამოცდილებისა და სტანდარტების შესაბამისად.
23 დეკემბერს, აჭარის ავტონომიური რესპუბლიკის მთავრობის ადმინისტრაციულ შენობაში გაიმართა შემაჯამებელი, დასკვნითი შეხვედრა, მოეწყო შესაბამისი პრეზენტაცია მიღებულ შედეგებთან დაკავშირებით, სადაც განხილულ იქნა სამომავლო გეგმები და ჰოლანდიურ მხარესთან შემდგომი თანამშრომლობის დეტალები.
შეხვედრას ესწრებოდნენ აჭარის ავტონომიური რესპუბლიკის მთავრობის თავმჯდომარე - ბატონი ლევან ვარშალომიძე, ფინანსთა და ეკონომიკისა და სოფლის მეურნეობის სამინისტროს ხელმძღვანელი პირები, ტურიზმისა და კურორტების დეპარტამენტის უფროსი, ჰოლანდეილ ექსპერტთა ჯგუფი, აგრეთვე, 21-22 დეკემბრის შეხვედრების სხვა მონაწილეები.
|
